پاکستان نے محمد رضوان اور سعود شکیل کی شاندار بلے بازی کی بدولت بنگلا دیش کے خلاف راولپنڈی ٹیسٹ کی پہلی اننگز 447 رنز 6 کھلاڑی آؤٹ پر ڈیکلیئر کر دی۔
ٹیسٹ کے دوسرے روز پاکستان نے اپنی پہلی اننگز کا آغاز 158 رنز 4 وکٹوں کے نقصان سے کیا، سعود شکیل اور محمد رضوان نے ہوم گراؤنڈ پر پاکستان کیلئے دوسری سب سے بڑی پارنٹرشپ قائم کی۔
سعود شکیل 141 رنز بنا کر مہدی حسن میراز کے ہاتھوں وکٹ گنوا بیٹھے جبکہ سلمان علی آغا 19 رنز بنا کر پویلین لوٹ گئے۔ محمد رضوان 171 اور شاہین شاہ آفریدی 29 رنز بنا کر ناٹ آؤٹ رہے۔
بنگلادیش کی جانب سے شروف الاسلام اور حسن محمود نے 2، 2 وکٹیں حاصل کیں جبکہ مہدی حسن مرزا اور شکیب الحسن نے ایک ایک کھلاڑی کو آؤٹ کیا۔
بنگلا دیش نے کھیل کے پہلے روز بغیر کسی وکٹ کے نقصان کے 27 رنز بنا لیے ہیں۔
پہلا روز
ٹیسٹ میچ کے پہلے روز پہلی اننگز میں پاکستانی ٹیم ابتدا میں شدید مشکلات کا شکار رہی اور محض 16 کے مجموعی اسکور پر اس کی 3 وکٹیں گر گئیں جس میں عبداللہ شفیق، شان مسعود اور بابر اعظم شامل تھے، اوپنر صائم ایوب اور سعود شکیل نے پہلے روز نصف سنچریاں اسکور کیں تھی۔
3 وکٹیں جلد گنوانے کے بعد اوپنر صائم ایوب اور نائب کپتان سعود شکیل نے ذمہ دارانہ بیٹنگ کرتے ہوئے چائے کے وقفے تک ٹیم کا اسکور 81 رنز تک پہنچایا۔
پہلے دن کے اختتام پر پاکستان نے 41 اوورز میں 4 وکٹوں کے نقصان پر 158 رنز بنائے تھے۔
