سیریز کے پہلے ٹی 20 انٹرنیشنل میچ میں پاکستان نے زمبابوے کو جیت کیلئے 166 رنز کا ہدف دیا ہے جس کے تعاقب میں زمبابوے کی آدھی ٹیم پویلین لوٹ گئی۔
زمبابوے کے شہر بلاوائیو میں کھیلے جارہے میچ میں پاکستان نے ٹاس جیت کر بیٹنگ کا فیصلہ کیا تھا، پاکستان نے مقررہ 20 اوورز میں 4 وکٹوں کے نقصان پر 165 رنز بنائے۔
زمبابوے اننگز
ہدف کے تعاقب میں زمبابوے کی پہلی وکٹ 12 رنز پر گری جب برین بینٹ 6 کے اسکور پر پویلین لوٹے، پھر دوسری وکٹ 18 پر گری۔ زمبابوے کی تیسری وکٹ 77 رنز پر اُس وقت گری جب مارومانی 33 رنز بنا کر رن آؤٹ ہوئے۔
زمبابوے کی چوتھی وکٹ 87 رنز پر گر گئی اور ریان برل صرف 3 رنز بنا سکے، اس کے بعد 92 پر پانچویں اور 95 پر چھٹی وکٹ کپتان سکندر رضا کی گری، وہ 39 رنز کی اننگز کھیل کر آؤٹ ہوئے۔ پھر 102 کے مجموعی اسکور پر ویلنگٹن 5 رنز بنا کر پویلین لوٹے۔
پاکستان کے ابرار احمد، سفیان مقیم نے دو ، دو جبکہ جہاں داد اور حارث رؤف نے ایک ایک وکٹ حاصل کی۔
پاکستان کی اننگز
عمیر یوسف اور صائم ایوب نے پاکستانی اننگز کا آغاز کیا۔ پاکستان کو پہلا نقصان 18 کے مجموعی اسکور پر اٹھانا پڑا جب عمیر یوسف 16 رنز بناکر کیچ آؤٹ ہوگئے، 57 کے مجموعی اسکور پر صائم ایوب 24 رنز بناکر پویلین لوٹ گئے۔
اکیانوے کے مجموعی اسکور پر عثمان خان 39 رنز بناکر جبکہ 100 کے مجموعی اسکور پر کپتان سلمان علی آغا 13 رنز بناکر آؤٹ ہوگئے۔
طیب طاہر 39 اور عرفان خان 27 رنز کے ساتھ ناٹ آؤٹ رہے، زمبابوے کی طرف سے رچرڈ نگروا، سکندر رضا، ویلنگٹن مساکادزا اور ریان برل نے ایک، ایک وکٹ حاصل کی۔
پاکستانی ٹیم سلمان علی آغا کی کپتانی میں میدان میں اتری ہے جبکہ زمبابوے کی قیادت سکندر رضا کررہے ہیں۔ دونوں ٹیموں کے درمیان دوسرا ٹی 20 میچ منگل اور تیسرا و آخری ٹی 20 جمعرات کو کھیلا جائے گا۔
دونوں ٹیموں کی پلیئنگ الیون:
پاکستان: سلمان علی آغا (کپتان)، صائم ایوب، عمیر بن یوسف، عثمان خان، طیب طاہر، محمد عرفان خان، جہانداد خان، محمد عباس آفریدی، حارث رؤف، ابرار احمد، سفیان مقیم۔
زمبابوے: برین بینیٹ، ریان برل، ٹریور گوانڈو، کلائیو مڈاندے، توانداناشے مارومانی ، تشنگا موسیکیوا، رچرڈ نگروا، ڈیون مائرز، سکندر رضا (کپتان)، ویلنگٹن مساکادزا۔
